चेन्नाइविरुद्व हारको बदला लिने दाउमा मनाङ

चेन्नाइविरुद्व हारको बदला लिने दाउमा मनाङ  
चेन्नाइविरुद्व हारको बदला लिने दाउमा मनाङ

 काठमाडौँ, असार ९ 
एएफसी कप फुटबल प्रतियोगिताको आफ्नो अन्तिम खेलमा नेपालको लिग च्याम्पियन मनाङ मस्र्याङ्दी क्लबले भारतको चेन्नाइसँग खेल्ने भएको छ ।    
    
 सातदोबाटोस्थित अखिल नेपाल फुटबल सङ्घ (एन्फा)को मैदानमा यही असार ११ गते हुने ‘होम’ खेलमा नेपाली लिग च्याम्पियन मनाङ मस्र्याङ्दी चेन्नाईविरुद्व मैदानमा उत्रनेछ ।    
    
 समूह चरणमा एक खेल पनि जित हात पार्न नसकेको मनाङ पहिलो जितको खोजीमा मैदान उत्रँदा चेन्नाइविरुद्ध हारको बदला लिने दाउमा रहनेछ । सोही हारको बदला मनाङले घरेलु मैैदानमा लिन चाहन्छ ।    
    
यसअघि गत अप्रिलमा चेन्नाइसँग उसैको मैदानमा भएको अबे खेलमा मनाङ मस्र्याङ्दी २–० गोलअन्तरले पराजित भएको थियो । प्रतियोगिताबाट यसअघि नै बाहिरिसकेको मनाङको लागि भने उक्त खेल प्रतिष्ठाको लागि मात्र हुनेछ ।    
    
प्रतियोगितामा दुई अङ्क मात्र जोड्न सकेको मनाङ एएफसी कपबाट यसअघि नै बाहिरिसकेको छ । यसअघि पाँच खेल खेलेको मनाङ जितविहीन छ । मनाङले दुई खेलमा बराबरी तथा तीन खेलमा पराजय भोग्यो ।    
    
समूह इ मा रहेको मनाङ अङ्क तालिकाको अन्तिम स्थानमा छ । त्यस्तै बङ्गलादेशको अबहानी लिमिटेड १० अङ्कका साथ शीर्ष स्थानमा छ भने आठ अङ्क जोडेको चेन्नाइ दोस्रो स्थानमा छ ।    
    
त्यस्तै मिनर्वा पञ्जाब पाँच अङ्कका साथ तेस्रो स्थानमा छ । प्रतियोगितामा समूहको शीर्ष स्थानमा रहने टोली अघिल्लो चरणमा छनोट हुनेछ ।    

React on this Post

ट्रेन्डिङ